بنكيران يستشير المستشار الملكي الهمٌة في توظيف المعطلين وإرسَالهم لجَني بطَاطَا ومَاطِيشَا والزيتون

زنقة 20
تتعرض حكومة بنكيران في الآونة الأخيرة لإحتجاجات متسارعة من طرف الشارع المغربي، إحتجاجات دفعت برئيس الحكومة للإستشارة بالمستشار الملكي فؤاد عالي الهمٌة وهذا مادار بينهما في حوار ساخر على برنامج "ليغينغول دي ماغرب" على قناة نسمة:

بنكيران: سلام سي فؤاد

الهمة: اهلاً سي بنكيران

بنكيران: عافك آسي فؤاد إيلا ما وقف معايا فواحد المشكل ايلا جات على خاطرك

الهمة: ياكْ لباس عاوتاني آسي بنكيران شفتك وقتما درتي كاتجي كاتشكى

بنكيران: كان عندي واحد الإجتماع أنا وسي المرشح ديالنا فسطات قلنا علاش مانلقاو لهاد الشباب المعطلين شي خدمة يدورو بها الحركة ونصيفطوهون يجنيو بطاطا وماطيشا والزيتون ريتما توجد شي وظائف ونوظفوهم فهمتيني ولالا؟؟

الهمة: إيييييييه إيوا  من بعد آسي بنكيران

بنكيران: من بعد التجمع الخطابي ديالنا دخلوا العفاريت والتماسيح قالو ليهم ماكاين لا بطاطا ولا ماطيشة هاداك غير جا يدي الأصوات ويمشي بحالو

الهمة: وباش عرفتي هادشي آسي بنكيران

بنكيران: كانوا هازين فالأول لافيتات كاتبين عليهم بنكيران لي بغينا وعلاش علاش تاوينا شوية حتى ولاو كاتبين بنكيران سير بحالك راه سطات ماشي ديالك

الهمة: راه حرية التعبير هاديك آسي بنكيران خليهم يقولو لي بغاو

بنكيران: ولكن حرية التعبير تشويش عليا وعلى حكومتي فهمتيني ولا لا

الهمة: حرية التعبير تشويش !! الله يعاون آسي بنكيران