الممثلة وشاي: لي بغا الحرية يعرٌي ختو وهذه ممتلكاتي وعلاقتي ببنكيران وحزبه

زنقة 20

قالت الممثلة فاطمة وشاي أنها لا تملك مسكنا، وأن البيت الذي تقطنه أسرتها مكترى، : “مازال كارية الدار في حي الألفة في الدار البيضاء، وما عنديش ملك خاص، عندي محبة الناس هي كنز الدنيا، والله يا سيدي كون مشيتي للبنك غادي يقولو ليك ما دخلاتش ريال واحد منذ سنتين.. المهنة ديالنا فيها بزاف ديال الاستغلال، واللي غني في هاد الحرفة راه غني من الأصل ديالو».

وذكرت الممثلة وشاي، التي كانت ضيفة على برنامج “في قفص الاتهام”، على ميد راديو، اليوم الجمعة (7 مارس)، «أنا ماشي هداوية، الزيف واللباس المحترم راه زي واليدينا، والبساط الأحمر ما كيعني لي والو دابا وكيجيني حشومة ندوزو فيه، وباش غاندوزو؟». وأضافت: «أنا ممثلة مع وقف التنفيذ، حيت ما عندناش قانون كينظم المهنة، وما عندناش ناس كيديرو الفن من أجل الفن، كاين اللي بغاو يديرو الفلوس وصافي.. أنا عندي موقف من المهرجانات، حيت ما كيعطيوش للفنان القيمة ديالو، المنظمين كيعرضو علينا وكيقو لينا خلصو الماكلة من جيبكم ومرة مرة نعرضو عليكم، وهاد الشي حشومة.».

وعن حضورها في بعض أنشطة حزب العدالة والتنيمة، قالت وشاي: «كنمشي للمهرجانات السياسية حبا للمعرفة، والتوجه ديالي هو التوجه ديال العدالة والتنمية، ودوك الناس عزاز علي بزاف واخا ما كيناش معاهم في الحزب، أنا معاهم بطبعي وقلبي وأسلوبي، وكنصوت عليه في الانتخابات.. أنا من الأول وأنا مع البيجيدي، وضعاف العقول هوما اللي كيقولو راني نضميت للبيجيدي غير ملي طلعو للحكومة». وزادت قائلة: «يلا اتصل بي شباط نمشي ويلا تاصل بيا الاتحاد الاشتراكي نمشي، ولكن راه العدالة والتنمية ما عرضوش علي مشيت برضايا. وكنواعدكم بمجرد أن البيجيدي ما يبقاش في الحكومة غادي ننتمي للحزب، باش نقول لعدد كبير من الناس أنني ما عندي حتى هدف».

وشاي كشفت أن عبد الإله بنكيران، بمناسبة حضورها نشاطا لحزب العدالة والتنمية: «قال لي حياك الله أنت امرأة بألف رجل».

وعن رفعها شارة رابعة قالت وشاي في برنامج "قفص الإتهام" على إذاعة "ميد راديو"،: «راني كندير السياسة من الصغر ديالي، واش السياسة كتخلع؟ أنا بقاو في دوك الناس في مصر.. أنا كتقلقني تسمية الإخوان المسلمين، حنا كاملين مسلمين وخوت. وغير بغيت نوضح أنا ما مع حتى شي حزب أو تيار أنا فكري مع الدين الإسلامي».

وبخصوص نظرتها إلى الأعمال الفنية قالت وشاي: «أنا ما عنديش مع الفن اللي فيه الإباحية او اللي كيروج لشي إيديولوجيات معينة، هاد الفن كيفلس المجتمع.. ملي بديت السينما في 1981 رفضت نشتغل في شي أعمال كتمس بالأخلاق، ومرة أخرى مثلت في فيلم فرنسي وكان فيه لقطة في شكل ووصلت ليها وحبست التصوير.. .. والمخرج اللي بغا الحرية يجيب ختو يعريها».

وعن وصفها لبعض المخرجين بالشواذ، قالت: «أنا حريصة على آش كنقول، وقلت أغلب المخرجين شواذ، واللي مراض بالشذوذ فهموها كيف ما بغو، أنا عنيت الشذوذ وهو الخروج على العادة، واللي ضرو خاطرو راه المحكمة يدعيني.. هم شواذ يمارسون شذوذهم عبر الأفلام، ويلا ما كانش عندهم فكر شاذ غادي يفهموني».