مدير قناة العيُون: نَعِدُ "البوليساريو" بفيديوهات قويٌة واللٌي ما عندو ولاء للمغرب ما عندنا ما ندير بيه فالقناة وحْنا معريين على اللاٌص
زنقة 20
أفادَ محمد الغضف الداه، مدير قناة العيون الجهوية، أن قناته تتوفر على مجموعة من أشرطة الفيديو من داخل مخيمات تندوف، مؤكدا أنه سيتم بثها في الأيام المقبلة، مُضيفاً بالقول خلال حديثه في برنامج «في قفص الاتهام»، على ميد راديو، يومه الجمعة (28 مارس)، "لدينا فيديوهات تظهر كتابات حائطية في مخيمات بوجدور، اللي فيه البنايات الإدارية ديال ما يسمى البوليساريو، وهاد الفيديوهات فيهم كتابات تندد بعبد العزيز المراكشي.. الفيديوهات تواكب حركية شباب التغيير التي تريد التغيير في المخيمات، وسننشر الفيديوهات إلى أن يتم التغيير داخل المخيمات». وأضاف: «حنا ما خايفينش من التهديد حيت هاد الشي ضريبة ديال العمل الصحافي".
وذكرَ مدير قناة العيون الجهوية أن الموعد الإخباري لقناة العيون يتابعه الصحراويون داخل المغرب وخارجه، وقال: «الخبار كلشي كيشوفها اللي هنا واللي لهيه في مخيمات تندوف، حيت هاداك اللي لهيه محروم.. وحنا لسنا أداة دعائية، حنا كنقولو ما يقع، وكنّقلو الواقع كما هو، وكنحاولو نفهمو لهيه أنه لا حل إلا الحكم الذاتي، وراه عندنا مجال كبير ديال الحرية فتحو الملك محمد السادس».
وردا على اتهامه بـ”الديكتاتورية” في التعامل مع العاملين في القناة، رد الغضف خلال حلوله ضيفاً على برنامج "قفص الإتهام" الذي يُديره الزميل الصحفي رضوان الرمضاني، بالقول: «أنا ما صرفقت حد في قناة العيون، وهاداك اللي كيقول داك الشي راه كان متعاون، وما كناش كنخلصوه بخمسة المليون، كيفما كيقول، مالنا مخدمين حكومة بنكيران؟ السيد كان خدام معانا متعاون وهو بغا يطلع للجبل، وقال عطيوني ولا نمشي لبوليساريو، قلنا ليه سير». وأضاف: «اللي ما عندو ولاء للمغرب ما عندنا ما نديرو بيه، اللي بغا يخدم يخدم الملكية في المغرب وقضايا المغرب وحنا ما عندناش شي حاجة من غير هادي.. حنا معريين على اللاص ما خدامينش مع شي جهة أخرى».
وأوضح الغضف بأنه يفتخر بوصف بعض الصحراويين للقناة بـ”قناة الرحيبة”: «أنا أفخر بتسمية الرحيبة (السويقة)، واش أنا بجوج فرنك غادي ندير قناة كبيرة؟ راه يالاه كيعطيونا 32 مليون درهم».
